السلام والرحمه لكل من يقرا السلام
سمعت هالسالفه الغريبه العجيبه
من الأم نفسها
هذي القصه فعلا صارت في المملكه
و إللي مو مصدق سالفتي
بعطيه رقم الأم عشان يتصل بنفسه ويتأكد
السالفه من البدايه
عاشت قصة حب مع شاب
تقريبا سنتين
وتحدوا حارتهم عشان يتزوجوا
المهم تم الزواج بعد عذاب
وتعب وكان أحسن عرس حسب ما تقول
مرة السنوات
جابت الأم الولد الأول وبعده الثاني وبعده الثالث حتى الخامس
ولما حملت سادس مره
قالها زوجها أنا أربي بنت ولو جبتي ولد بطلقك
الام إنصدمت من كلمة بطلقك
وقالت أسوي المستحيل ولا يطلقني
يبي بنت أجيبله بنت بس كيف؟!
ما لقت طريقه إلا صديقتها ام نوف
قالتلها السالفه وقالتلها ساعديني
المهم فكرت ام نوف وقالت ولا يهمك
خلي بس موعد الولاده يجي
بعدين يصير خير
ام نوف عندها معارف في إحدى المستشفيات ( قسم الولاده)
المهم إتفقت مع الدكتور أحمد علاء خواجه
على أنه إذا الأم جابت ولد يبدل الولد مع أي بنت مولوده في المستشفى
وقالت الأم بدفعلك إللي تبي بس سوي هالطلب
المهم غرته الفلوس
على قولة المثل الفلوس تعمي النفوس
وافق الدكتور أحمد على طلبهم
يوم جا وقت العمليه
ولدت الأم
بس
شو جابت
جابت
ولد
ولد مثل القمر
بس للأسف بتستغنى عنه
جا الدكتور عند الام عشان يفحص حالتها
قالت له يالله روح بدل الولد قبل لا يجي زوجي ويطلقني
شوفوا كيف تستغنى عن ولدها بكل سهوله وبرود
رد عليها الدكتور
لا إسمحولي ما أقدر أشارك في هذي الجريمه
ردت الأم قالت كيف بعد ما أخذت الفلوس تقول ماتقدر
المهم الأم و صديقتها ماهم فاضين حق الدكتور
راحت أم نوف(صديقتها ) تفكر بعدين قالت
وش رايك نذبحه ونقول لزوجك أنك جبتي بنت بعدين ماتت
قالت لا كيف اقدر أذبح قطعه من لحمي وروحي
قالت أم نوف كيفك خلي زوجك يطلقك
خافت الأم من هالكلمه
قالت صديقتها (أم نوف)وش رايك ندفنه في صحراء
ونخليه يموت .....
المهم الأم بعد ما إقتنعت راحت هي وأم نوف وفعلوا فعلتهم
بس قبل ما تدفنه
رضعته من حليبها
ودفنته
جعت الأم بيت زوجها
قالتل ه جبت بنت بس ماتت
قال كذابه لازم أروح أتاكد بنفسي
صديقتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولوا له أن زوجته جابت بنت بس ماتت وغرتهم بالفلوس
راح الزوج و تأكد وطلع أنه فعلا زوجته جابت بنت بس ماتت
المهم صار عزاء على أنه البنت فعلا ماتت
والأم قلبها متقطع
على ولدها إللي دفنته
بعد مرور شهر
هنا تبدا السالفه
بعد شهر او أكثر بشوي
راحت الأم عند صديقتها
وقالت لها ابي اشوف ولدي
بروح عند ولدي
قالت أم نوف يا هبله ولدك مات صار له أكثر من شهر إنسيه يا مجنونه
قالت الأم
قالت أنا بسير عنك وإذا بتجين انا هناك
المهم سارت الأم لين ما وصلت المنطقه إللي دفنت فيها ولدها
تمت الام تدور عن المكان إللي دفنته فيه
لأنها صحراء وصارلها أكثر من شهر من دفنته
جات صديقتها وقالت لها :
الصراحه ما قدرت اخليك بروحك
قالت الام للحين ما لقيته
تمت الام وصديقتها يدورون عالولد
فجأه
فجأه
بدون إنذار
فجأه
سمعت الام وصديقتها
صوت طفل يصيح
صرخت أم نوف وقالت اعوذ بالله هذا صوت جني المنطقه ما فيها أحد
قالت الأم
لا هذا صوت ولدي
قالت ام نوف يا هبله
ولدك مات تعرفين شو يعني مات
يعني خلاص إنسي انك تسمعي صوته
المهم الأم أصرت وقالت أنا قلبي يقولي أن هذا صوت ولدي ولازم اروح أشوفه
سارت الام وصديقتها لين ما وصلوا مكان الصوت
وش تتوقعوا شافوا هناك..؟؟
شافوا شي غريب
شي ما يخطر على البال
شافوا
والله شي غريب
إللي شافوه
هو
أن الولد هو إللي كان يصيح
ولقوه حافر مطلع نفسه من تحت
سبحان الله شهر كامل
تحت الرمال الحاره وعلى ضوء الشمس الحارق
بدون اكل ولا شراب وعمره ما كمل شهرين
سبحان الله
خلوني اكمل
المهم خافت ام نوف وقالت حق الام هذا ماهو ولدك
الأم فرحانه لأنها شافت ولدها
المهم
شو تتوقعوا سوى الولد
شي أغرب من إللي فات
شي غريب وغريب وغريب
لو عرفتوه أكيد بتستغربون
وبتقولون سبحان الله
إللي سواه الولد الله يسلمكم
تكلم
أيوه تكلم ليش مستغربين
وقال
ماما
ماما
وفوق ماما زاد كلمه وقال
ماما
ماما
ماما
انا جائع
بالعربيه الفصحه قالها
جائع ما قال جوعان
هذا حسب ما تقوله الأم
سبحان الله
المهم بكمل السالفه
جت الام تريد تحضن ولدها عشان ترضعه من حليبها
صرخت صديقتها أم نوف
وقالت لا لا خليه هذا ماهو ولدك هذا ماهو إنس
هذا جني خلينا نروح
قالت لا هذا ولدي وهو من شدة الجوع تكلم
برضعه ويصير إللي يصير
المهم حضنت الام الولد
وجت تبي تخلي فم ولدها في صدرها
صرخ الولد صرخه قويه
وقال
ماما
ماما
ماما
أنا جائع
بس
بس
ما
ابي
أشرب
من حليبك
شوفوا تخيلوا وقولوا سبحان الله
من كثر الولد كاره أمه قال لها ما ابي اشرب من حليبك
سبحان الله
بكمل وش قال الولد
قال
ماما
ماما
أنا جائع
بس
ما
ابي
أشرب من حليبك
وكمل وقال
ماما
أنا
ابي
ابي
أشرب
حليب
حليب نيدو
ص..........ادوووووووووووووووووووووووه
وبعد كل هذا عايزين رقم الأم وإلا هونت؟؟ خخخخخخخخخخخخخخخخخخخخخخخ
بس ملطوش لعيونكم
موضوع: قصه حزينه جدا وتقطع القلب (طفل يخرج من القبر ليعاتب أمه (حقيقه وقعت بالمملكه ) وعندي برهااان) 
الخميس ديسمبر 02, 2010 10:47 pm
