حلى 3طبقات بالصور سهل وجميل

الوصفة عبارة عن 3 طبقات سهلين اوي وما ياخدش وقت خاااالص ولزيز وخفيف وبيحبوه الأطفال جدا .

الطبقة الأولى :

عبارة عن بسكويت شاي يترص في البايركس اللي تقدميه فيه .

الطبقة التانية :

وهي عبارة عن الكاسترد طبعا كلكم أكيد تعرفو تعملوه لأنكم ماشاء الله شاطرين وهو سهل جدا :

أنا غليت 3 كاسات حليب + 4 ملاعق سكر

وسبتهم لحد ما بدأ يغلي خدت شوية منهم ودوبت فيه 2ونوص ملعقة

أكل بودرة الكاسترد ورجعتهم ع الخليط عشان ما يكلكعش مني .

وتضيفيه على البسكويت وبتكرري الطبقات زي ما تحبي .

الطبقة الثالثة :

عبارة عن جلي توت أو فراولة بيكون أطعم من أي نوع بس تعمليه تقيل شوية يعني على الباكيت الواحد من الجلي

بضيفي كوباية واحدة بس من المية المغلية وتدوبيه عااادي وتسيبيه يبرد خاالص بس قبل ما يجمد بتضيفيه على

الكاسترد اللي برد هو كمان وبتدخليه التلاجة لغاية ما يجمد الجلي وتقدميه بارد.

وده شكله النهائي ويارب يكون عجبتكم الوصفة وتجربوها .

» شيش برك بالصور
» القرنبيط بالصور
» حلويات بالصور
» سلطات بالصور
» حلى الزبادي بالصور