السلام عليكم كان يا ما كان يا سعد يا اكرام الكلام الا بذكر النبى علية افضل صلاة وسلام
كان ايام الاسبوع كل يوم قاعد يتمنظر على التانى
السبت انا الاولانى
الاحد يقولة واية يعنى طيب مانا يوم الاجازة
يرد الاتنين يقولة طيب مانا الوسطانى والاعمال بتترفع فى يومى
التلاتاء يقول طيب مانا الناس بتعمل السوق يومى عشان يبعوا ويشترو
الاربعاء يقول وانا كمان ببقى الناس بتشتغل وتشترى وتبيع
والخميس يقول انا يوم بركة وبرضة الاعمال بترفع فيا والناس بيتفسحوا بليل
والحمعة يقول وانا يوم الصلاة والعبادة وكمان اجازة فقالوا خلاص احنا نشوف الناس مش بيحبوا انه يوم
فلما سألوا الناس معظمهم قال السبت عشان الزحمة وبعد يوم اجازة واول الاسبع وع فالشغل كتير فضحكت باقى ايام الاسبوع على يوم السبت
فقرر يوم السبت انة يسب الاسبوع ويقعد فى بيتة
كدة بقى مين اول يوم الاحد
فحصل مع الاحد نفس اللى حصل مع السبت وبرضو راح ساب الاسبوع وقعد فى بيتة
ونفسى الحكاية لحد ما وصلوا ليوم الجمعة وكدة كل ايام الاسبوع بقت مش موجودة
فالناس اتلخبطت وماعرفتش تحسب ولا عرفت تعيش وعرفوا قيمة يوم السبت واعتذرو لية ورجعت ايا م الاسبوع كلها ومن يومها بقى الناس بيحبوا كل الايام وعارفين ان كل الايام مهمة
وتوتة توتة خلصت الحدوتة حلوة ولا ملتوتة
موضوع: حدوتة قبل النوم 
السبت يونيو 26, 2010 5:29 pm
